20 мая 2023 года

V Абласны адкрыты конкурс вакалістаў імя М.І. Арэнcкай

ПАЛАЖЭННЕ аб V Абласным адкрытым конкурсе вакалістаў імя М.І. Арэнcкай

Арганізатары

Арганізатарамі V Абласнога адкрытага конкурсу вакалістаў імя М. І. Арэнcкай (далей – конкурс) з’яўляюцца Брэсцкі абласны выканаўчы камітэт і ўстанова адукацыі “Брэсцкі дзяржаўны музычны каледж імя Рыгора Шырмы”.

Асноўнымі мэтамі конкурсу з’яўляюцца:


  • падтрымка таленавітых маладых вакалiстаў (навучэнцаў устаноў адукацыі), развіццё іх творчых здольнасцей і павышэнне прафесійнага ўзроўню;
  • папулярызацыя вакальнай музыкі ў Рэспубліцы Беларусь і Брэсцкай вобласці ў прыватнасці;
  • захаванне традыцый і пошук новых шляхоў развіцця нацыянальнай вакальнай школы.
У конкурсе могуць браць удзел навучэнцы вакальных студый, ДШМ, ДМШ і ўстаноў адукацыі сістэмы Міністэрства адукацыі (далей – канкурсанты).
Для непасрэднага кіравання правядзеннем конкурсу ствараецца арганізацыйны камітэт (далей – аргкамітэт).

Аргкамітэт:


  • ажыццяўляе кіраўніцтва падрыхтоўкай і правядзеннем конкурсу;
  • разглядае і зацвярджае склад журы конкурсу;
  • узаемадзейнічае з зацікаўленымі суб’ектамі культурнай дзейнасці і іншымі арганізацыямі па пытаннях падрыхтоўкі, правядзення і асвятлення конкурсу ў сродках масавай інфармацыі;
  • вырашае іншыя пытанні, якія ўзнікаюць у ходзе падрыхтоўкі і правядзення конкурсу.
 Пасяджэнні аргкамітэту лічацца правамоцнымі, калі ў іх бярэ ўдзел не менш за дзве трэці яго складу. Рашэнні аргкамітэту прымаюцца адкрытым галасаваннем і лічацца прынятымі, калі за іх прагаласавала больш паловы членаў аргкамітэту з прысутных на пасяджэнні.
Рашэнне аргкамітэту афармляецца пратаколам, які падпісвае старшыня аргкамітэту.
Умовы правядзення конкурсу

Конкурс праводзіцца ў намінацыях:

Спевы акадэмічныя

па ўзроставых групах:
А - выканаўцы ва ўзросце ад 7 да 9 гадоў уключна
В - выканаўцы ва ўзросце ад 10 да 13 гадоў уключна
С - выканаўцы ва ўзросце ад 14 да 16 гадоў уключна
D - выканаўцы ва ўзросце ад 17 да 22 гадоў уключна

Спевы эстрадныя

па ўзроставых групах:
A - выканаўцы ва ўзросце ад 6 да 9 гадоў уключна
B - выканаўцы ва ўзросце ад 10 да 12 гадоў уключна
C - выканаўцы ва ўзросце ад 13 да 15 гадоў уключна
D - выканаўцы ва ўзросце ад 16 да 18 гадоў уключна

Узрост удзельнікаў вызначаецца на дату правядзення конкурсу.

Праграмныя патрабаванні:

Спевы акадэмічныя

1) Арыя, раманс або песня (на выбар)
2) Народная песня

Спевы эстрадныя

1) Замежны або рускi хіт (на выбар)
2) Твор беларускага кампазітара

Працягласць выступу не больш за 8 хвілін.

Удзельнікі намінацыі «Спевы акадэмічныя»

выконваюць конкурсную праграму ў суправаджэнні фартэпіяна. Пры неабходнасці прадастаўляецца канцэртмайстар (неабходна пазначыць у заяўцы, забяспечыць наяўнасць нот)

Удзельнікі ў намінацыі “Спевы эстрадныя”

выконваюць конкурсныя творы пад фанаграму (мінус 1), якая павінна быць прадстаўлена на USB-носьбіце (флэшка) у аўдыёфармаце (WAV, WAVE ці MP3)

Для ўдзелу ў конкурсе асабіста канкурсант або ўстанова адукацыі, у якой ён навучаецца, накіроўвае наступныя дакументы:

запоўненую электронную форму заяўкі (Дадатак №1)
копію дакумента, які сведчыць асобу (пашпарт або пасведчанне аб нараджэнні)

Заяўкі на ўдзел у конкурсе прымаюцца да 10 мая 2023 года (уключна). Форма заяўкі прыкладаецца. Усе матэрыялы прадстаўляюцца ў электронным выглядзе як дадатак да формы заяўкі.

Рэгістрацыя ўдзельнікаў праводзіцца ў дзень правядзення конкурсу ў фае музычнага каледжа з 9.00 да 9.45.


Праезд, харчаванне і размяшчэнне ўдзельнікаў і суправаджаючых асоб ажыццяўляецца за кошт камандзіруючага боку.

Праслухоўваннi ўдзельнікаў конкурсу праводзяцца ў два туры:

I тур - ва ўстановах адукацыі па месцы вучобы, вакальных студыях;
II тур - у Брэсцкім музычным каледжы 20 мая 2023 года.

Для прафесійнай ацэнкі канкурсантаў аргкамітэт зацвярджае склад членаў журы конкурсу (далей– журы) у колькасці не больш за пяць чалавек у кожнай катэгорыі. Журы складаецца з вядомых беларускіх музыкантаў (педагагічных работнікаў навучальных устаноў у сферы музычнага мастацтва і творчых дзеячаў).

Журы:


  • ацэньвае прафесійны і творчы ўзровень выканання канкурсантаў;
  • афармляе пратаколы вынікаў галасавання на другім туры конкурсу;
  • выбірае лаўрэатаў конкурсу, уладальнікаў спецыяльных дыпломаў у кожнай з катэгорый і ўзроставых груп конкурсу і прадстаўляе іх спіс у аргкамітэт для ўзнагароджання;
  • інфармуе канкурсантаў аб выніках іх удзелу ў конкурсе;
  • вызначае склад і праграму ўдзельнікаў заключнага канцэрта пераможцаў конкурсу.

Журы ацэньвае канкурсантаў па наступных крытэрыях:

  • узровень тэхнічнага майстэрства
  • адметнасць творчай індывідуальнасці выканаўцы
  • дакладнасць перадачы стылістычных асаблівасцяў твораў

Размеркаванне прызавых месцаў адбываецца шляхам галасавання ўсіх членаў журы. У выпадку, калі ў конкурсе прымае ўдзел вучань альбо сваяк члена журы, дадзены член журы абавязаны адмовіцца ад судзейства ў той узроставай групе, дзе бярэ ўдзел яго вучань (сваяк).

Рашэнні журы прымаюцца на пасяджэннях і афармляюцца пратаколамі, якія падпісваюць члены журы. Журы правамоцна прымаць рашэнне, калі на пасяджэнні прысутнічае не менш за дзве трэці ад яго поўнага складу. Рашэнне лічыцца прынятым, калі за яго прагаласавала больш за палову прысутных на пасяджэнні членаў журы. У выпадку роўнасці галасоў меркаванне старшыні журы з’яўляецца вырашальным. Рашэнні журы па кожнай з катэгорый i ўзроставых груп конкурсу абвяшчаюцца пасля заканчэння праслухоўвання ў дадзенай групе. Усе рашэнні журы канчатковыя і не могуць быць аспрэчаны.

Пераможцы конкурсу ва ўсіх узроставых групах кожнай катэгорыі атрымліваюць дыпломы I, II і III ступені з прысваеннем звання Лаўрэата конкурсу.

Па рашэнні журы асобным канкурсантам могуць быць прысуджаны спецыяльныя дыпломы. Канкурсанты, якія паказалі добрыя, але недастатковыя для дасягнення прызавых месцаў вынікі, атрымліваюць граматы ўдзельнікаў конкурсу. Педагогі лаўрэатаў атрымліваюць ганаровыя граматы конкурсу.

Кантакты:

Арганізацыйныя пытанні

Тэлефоны: 

+375296455360

+375296251198

Інфармацыя

Пытанні наконт заяўкі і ўдзелу ў конкурсе па кантактных тэлефонах: +375296455360

+375296251198

Мы в инстаграм

Адрас

224030 г. Брэст, вул. Гогаля, 7, установа адукацыі «Брэсцкі дзяржаўны музычны каледж імя Р.Шырмы»

Вэб-сайт: mus.brest.by

Электронная пошта: Адрес электронной почты защищен от спам-ботов. Для просмотра адреса в вашем браузере должен быть включен Javascript.