17 красавіка 2021 года

ІV Абласны фестываль юных выканаўцаў

«Чароўныя смычкі»

ПАЛАЖЭННЕ аб IV абласным конкурсе юных выканаўцаў «Чароўныя смычкi»

Арганізатары

Арганізатарамі абласнога конкурсу iнструментальных калектываў «Берасцейскi калейдаскоп»  (далей –конкурс) з’яўляюцца Брэсцкі абласны выканаўчы камітэт і ўстанова адукацыі “Брэсцкі дзяржаўны музычны каледж імя Рыгора Шырмы” (далей – Брэсцкі музычны каледж).

Асноўнымі мэтамі конкурсу з’яўляюцца:


  • падтрымка таленавітых маладых выканауцаў (навучэнцаў устаноў адукацыі), развіццё іх творчых здольнасцей і павышэнне прафесійнага  ўзроўню;
  • папулярызацыя iнструментальнай музыкі ў Рэспубліцы Беларусь і Брэсцкай вобласці ў прыватнасці;
  • захаванне традыцый і пошук новых шляхоў развіцця нацыянальнай струнна-смычковай школы.
У конкурсе могуць браць удзел навучэнцы ДШМ, ДМШ і ўстаноў адукацыі сістэмы Міністэрства адукацыі (далей – канкурсанты).

Для непасрэднага кіравання правядзеннем конкурсу ствараецца арганізацыйны камітэт (далей – аргкамітэт).

Аргкамітэт:

  • ажыццяўляе кіраванне падрыхтоўкай і правядзеннем конкурсу;
  • разглядае і зацвярджае склад журы конкурсу;
  • узаемадзейнічае з зацікаўленымі суб’ектамі культурнай дзейнасці і іншымі арганізацыямі па пытаннях падрыхтоўкі, правядзення і асвятлення конкурсу ў сродках масавай інфармацыі;
  • зацвярджае сумы ўзнагароджанняў членаў журы;
  • вырашае іншыя пытанні, якія ўзнікаюць у ходзе падрыхтоўкі і правядзення конкурсу.
 Пасяджэнні аргкамітэту лічацца правамоцнымі, калі ў іх бярэ ўдзел не менш за дзве трэці яго складу. Рашэнні аргкамітэту прымаюцца адкрытым галасаваннем і лічацца прынятымі, калі за іх прагаласавала больш за палову членаў аргкамітэту з прысутных на пасяджэнні.
Рашэнне аргкамітэту афармляецца пратаколам, які падпісвае старшыня аргкамітэту.
Умовы правядзення конкурсу
Конкурс праводзіцца ў намінацыях “Скрыпка” i “Вiяланчэль” па ўзроставых групах:

"Скрыпка"

А - выканаўцы ва ўзросце да 8 гадоў уключна
В - выканаўцы ва ўзросце ад 9 да 10 гадоў уключна
  С - выканаўцы ва ўзросце ад 11 да 13 гадоў уключна
D - выканаўцы ва ўзросце ад 14 да 16 гадоў уключна

"Віяланчэль"

  А - выканаўцы ва ўзросце да 8 гадоў уключна
В - выканаўцы ва ўзросце ад 9 да 10 гадоў уключна
  С - выканаўцы ва ўзросце ад 11 да 13 гадоў уключна
D - выканаўцы ва ўзросце ад 14 да 16 гадоў уключна
Узрост удзельнікаў вызначаецца на дату правядзення конкурсу.

Праграмныя патрабаванні:

  • Конкурсныя праслухоўваннi праводзяцца публiчна. Усе творы выконваюцца  на памяць. 
  • Праграма конкурснага выступлення ўключае твор буйной формы i п’есу рухомага характару ва ўсiх узроставых групах. Ва ўзроставай групе А дапускаецца выкананне двух рознахарактарных п’ес.

Пажадана выкананне твора беларускага кампазітара.

Працягласць выступу

  • ва ўзроставых групах А i В не больш за 10 хвілін,
  • ва ўзроставых групах С i D не больш за 15 хвiлiн.

Праграма ўдзельніка павінна адпавядаць патрабаванням конкурсу. Змены ў заяўленай праграме не дапускаюцца. 

Для ўдзелу ў конкурсе асобна канкурсант альбо ўстанова адукацыі, у якой ён навучаецца, накіроўвае наступныя матэрыялы:

копію дакумента, які сведчыць асобу (пашпарт або пасведчанне аб нараджэнні)
Заяўкі на ўдзел у конкурсе прымаюцца да 26 сакавіка 2021 года (уключна).
  • Форма заяўкі прыкладаецца.
  • Усе матэрыялы прадстаўляюцца ў электронным выглядзе як дадатак да формы заяўкі.
  • Пытанні наконт заяўкі і ўдзелу ў конкурсе па кантактным тэлефоне: +375295231707 або на электронны адрас Адрес электронной почты защищен от спам-ботов. Для просмотра адреса в вашем браузере должен быть включен Javascript.

Удзел у конкурсе адбываецца бясплатна.

Кожны ўдзельнік падчас рэгістрацыі абавязаны набыць квіток на ўрачысты канцэрт-закрыццё конкурсу, які адбудзецца пасля конкурсных праслухоўваньняў 17 красавiка 2021 года.

Кошт квітка - 15 рублёў.

Праслухоўваннi ўдзельнікаў конкурсу праводзяцца ў адзiн  тур у Брэсцкім музычным каледжы  17 красавiка 2021 года
Для прафесійнай ацэнкі канкурсантаў аргкамітэт зацвярджае склад членаў журы конкурсу (далей– журы) у колькасці не больш за пяць чалавек у кожнай катэгорыі.
Журы складаецца з вядомых беларускіх музыкантаў (педагагічных работнікаў навучальных устаноў у сферы музычнага мастацтва і творчых дзеячаў). 

Журы:

  • ацэньвае прафесійны і творчы ўзровень выканання канкурсантаў;
  • афармляе пратаколы вынікаў галасавання на другім туры конкурсу;
  • выбірае прызёраў і дыпламантаў конкурсу, уладальнікаў спецыяльных прэмій і ўзнагарод у кожнай з катэгорый і ўзроставых груп конкурсу і прадстаўляе іх спіс у аргкамітэт для ўзнагароджання;
  • інфармуе канкурсантаў аб выніках іх удзелу ў конкурсе; 
  • вызначае склад і праграму ўдзельнікаў заключнага канцэрту пераможцаў конкурсу.
Журы ацэньвае канкурсантаў па 10-бальнай сістэме по наступных крытэрыях:
  • узровень тэхнічнага майстэрства;
  • адметнасць творчай індывідуальнасці выканаўцы;
  • трапнасць перадачы стылістычных асаблівасцяў твораў

  • Размеркаванне прызавых месцаў і спецыяльных прызоў адбываецца шляхам галасавання ўсіх членаў журы.
  • У выпадку, калі ў конкурсе прымае ўдзел вучань альбо сваяк члена журы, дадзены член журы абавязаны адмовіцца ад судзейства ў той узроставай групе, дзе бярэ ўдзел яго вучань (сваяк).
  • Рашэнні журы прымаюцца на пасяджэннях і афармляюцца пратаколамі, якія падпісваюць члены журы. 

  • Пераможцы конкурсу ва ўсіх узроставых групах кожнай катэгорыі атрымліваюць дыпломы I, II і III ступені з прысваеннем звання Лаўрэата конкурсу.
  • Журы мае права прызначыць Гран-пры аднаму з уладальнікаў першай прэміі ў любой узроставай групе, паказаўшаму выбітныя прафесійныя і творчыя здольнасці.
  • Канкурсанты, якія паказалі добрыя, але недастатковыя для дасягнення прызавых месцаў вынікі, атрымліваюць ганаровыя граматы. 
  • Педагогі i канцэртмайстары лаўрэатаў атрымліваюць ганаровыя граматы конкурсу.
Праезд i харчаванне ўдзельнiкаў конкурсу адбываецца за кошт накiроўваючага боку або асабiстых сродкаў удзельнiкаў

Кантакты конкурсу:

Арганізацыйныя пытанні

+375162212586,

+375295231707

Інфармацыя

Адрес электронной почты защищен от спам-ботов. Для просмотра адреса в вашем браузере должен быть включен Javascript.

Юрыдычны адрас

224030 г. Брэст, вул. Гогаля, 7, установа адукацыі «Брэсцкі дзяржаўны музычны каледж імя Р.Шырмы»

Вэб-сайт: mus.brest.by